عُسرو یُسر۔۔۔۔۔۔۔۔ادریس آزاد

عُسرو یُسر۔۔۔۔۔۔۔۔ادریس آزاد

17 فروری 2020

زہر کا جام دیے جانے سے قبل

بیڑیاں کھولی گئی تھیں اُس کی

اُس کو آزاد کردیا گیا تھا

زہر کا جام بھر دیا گیا تھا

اُس نےہولے سے پنڈلیاں سہلائیں

بیڑیوں کے نشان پڑ گئے تھے

وہ ہنسا اور یونہی ہنستے ہوئے

اِک ادائے عجیب سے بولا

بیڑیاں بھی کمال ہوتی ہیں

اب جو اُتری ہیں تو مزہ آیا

اِیک بے ساختہ نشہ آیا

سچ تو یہ ہے کہ اِس جہاں میں کہیں

لطف کوئی بھی بےعذاب نہیں

کوئی بھی درد بے ثواب نہیں

ادریس آزاد