غمِ فراق۔۔۔۔۔۔۔۔ادریس آزاد
غمِ فراق۔۔۔۔۔۔۔۔ادریس آزاد
4 مئی 2020
غم فراق بھی بہروپیے سے کم تو نہیں
یہ صرف نام کا غم ہے یہ کوئی غم تو نہیں
غم فراق تجھے درد ِ سَر سے کیا مطلب؟
غم ِ فراق! کسی کے جگر سے کیا مطلب؟
کہ جس وصال کو سمجھا گیا علاج ِ فراق
وہ کون یار کا ملنا ہے؟ جانیے کیسے؟
اُڑی نظر کو طلبگار مانیے کیسے؟
ستم تو یہ ہے تجھے احتیاج کوئی نہیں
ستم تو یہ ہے کہ تیرا علاج کوئی نہیں
غم ِ فراق! مری جان چھوڑ دے یارا!
کہ تُو نے جتنا بھی مارا بہت بُرا مارا
ادریس آزاد