زہرہ نگاہ کو جواب آں نظم۔۔۔۔۔۔۔۔۔۔۔ادریس آزاد

زہرہ نگاہ کو جواب آں نظم۔۔۔۔۔۔۔۔۔۔۔ادریس آزاد

مجھے سیب کھانے کی تلقین تو نے ہی کی تھی

’’وہ گندم کا دانہ مری دسترس میں نہیں تھا‘‘

’’مری سانپ سے دوستی بھی نہیں تھی‘‘

اگر دوستی تھی کسی سے وہ تم تھیں

وہ اِک سیب جو تو نے مجھ کو چکھایا

وہ گندم کا دانہ جو مجھ کو کھلایا

وہی آگہی تھی، جو مجھ کو ملی تھی

وہی ایک تحفہ جو تو نے مجھ دے دیا تھا

وہی مجھ کو تقویم میں سب افضل بنانے کا موجب ہواہے

ادریس آزاد