Teri yaadon
ﺗﺮﯼ ﯾﺎﺩﻭﮞ ﺳﮯ ﭘﮭﺮ ﻣﺤﻔﻞ ﮐﻮ ﮔﺮﻣﺎ ﻟﻮﮞ ﺗﻮ ﺁﺗﺎ ﮨﻮﮞ
ﯾﮩﯽ ﺩﻭﭼﺎﺭ ﺍﻧﮕﺎﺭﮮ ﮨﯿﮟ ﺩﮨﮑﺎ ﻟﻮﮞ ﺗﻮ ﺁﺗﺎ ﮨﻮﮞ
ﻣﯿﮟ ﺍﭘﻨﮯ ﺭﺯﻕ ﺳﮯ، ﺣﺼّﮯ ﮐﺎ ﻏﻢ ﮐﮭﺎ ﻟﻮﮞ ﺗﻮ ﺁﺗﺎﮨﻮﮞ
ﺗﺮﯼ ﺩﮨﻠﯿﺰ ﺗﮏ ﺩﺍﻣﻦ ﮐﻮ ﭘﮭﯿﻼ ﻟﻮﮞ ﺗﻮ ﺁﺗﺎﮨﻮﮞ
ﯾﮧ ﺣﺴﻦِ ﺧﻠﻖ ﮐﺎ ﭘﺮﭼﮧ ﺑﮩﺖ ﮐﻤﺰﻭﺭ ﮨﮯ ﻣﯿﺮﺍ
ﺳﺒﻖ ﭘﮭﺮ ﺳﮯ ﺫﺭﺍ ﺍِﮎ ﺑﺎﺭ ﺩﮨﺮﺍ ﻟﻮﮞ ﺗﻮ ﺁﺗﺎﮨﻮﮞ
ﮐﻨﻮﯾﮟ ﮐﮭﺎﺭﯼ، ﺳﻔﺮﺩﺷﻮﺍﺭ، ﺭﺳﺘﮯ ﻧﺎﺗﺮﺍﺷﯿﺪﮦ
ﻣﯿﮟ ﭘﯿﭽﮭﮯ ﺁﻧﮯ ﻭﺍﻟﻮﮞ ﮐﻮ ﯾﮧ ﺳﻤﺠﮭﺎ ﻟﻮﮞ ﺗﻮ ﺁﺗﺎ ﮨﻮﮞ
ﮐﺘﺎﺏِ ﺯﻧﺪﮔﯽ ﺩﻟﭽﺴﭗ ﮨﮯ، ﺭُﮐﻨﺎ ﻧﮩﯿﮟ ﻣﻤﮑﻦ
ﺑﺲ ﺍِﮎ ﺩﻭ ﺻﻔﺤﮧ ﺑﺎﻗﯽ ﮨﮯ ﯾﮧ ﻧﻤﭩﺎ ﻟﻮﮞ ﺗﻮ ﺁﺗﺎﮨﻮﮞ
ﺗﺮﮮ ﺩﺭﺑﺎﺭ ﻣﯿﮟ ﺳﺞ ﺩﮬﺞ ﮐﮯ ﺁﻧﺎ ﭼﺎﮨﺘﺎ ﮨﻮﮞ ﻣﯿﮟ
ﺫﺭﺍ ﺳﺎ ﺳَﺮ ﺍﺿﺎﻓﯽ ﮨﮯ ﯾﮧ ﮐﭩﻮﺍ ﻟﻮﮞ ﺗﻮ ﺁﺗﺎ ﮨﻮﮞ
ﺧﺮﺩ! ﺗُﻮ ﺑﻮﺭﯾﺎ ﺑﺴﺘﺮ ﻟﭙﯿﭧ! ﺍﻭﺭ ﻣﯿﺮﮮ ﭘﮩﻠﻮ ﻣﯿﮟ
ﺟﻮ ﺑﭽﮧ ﺭﻭ ﺭﮨﺎ ﮨﮯ ﺍِﺱ ﮐﻮ ﺑﮩﻼﻟﻮﮞ ﺗﻮ ﺁﺗﺎ ﮨﻮﮞ
ﻗﯿﺎﻣﺖ ﻣﯿﮟ ﺑﻼﯾﺎ ﺟﺎﺅﻧﮕﺎ، ﺍﺱ ﺳﮯ ﻧﮩﯿﮟ ﮈﺭﺗﺎ
ﺭﺳﺎﺋﯽ ﻣﺴﻨﺪِ ﺍﻧﺼﺎﻑ ﺗﮏ ﭘﺎ ﻟﻮﮞ ﺗﻮ ﺁﺗﺎ ﮨﻮﮞ
ﻣﺴﯿﺤﺎ! ﺩﻭ ﮔﮭﮍﯼ ﺿﺒﻂِ ﻏﻀﺐ! ﺻﺪﻗﮯ ﻣﺤﺒﺖ ﮐﮯ
ﺍﺑﮭﯽ ﺟﻮ ﭼﻮﭦ ﮐﮭﺎﺋﯽ ﮨﮯ ﯾﮧ ﺳﮩﻼ ﻟﻮﮞ ﺗﻮ ﺁﺗﺎ ﮨﻮﮞ
ﺗﻤﮩﺎﺭﯼ ﻟَﮯ ﭘﮑﮍﻧﺎ ﮨﺎﺗﻔﺎ! ﻣﺸﮑﻞ ﻧﮩﯿﮟ ﻟﯿﮑﻦ
ذرا ﺍَﺷﮑﻮﮞ ﮐﮯ ﭨﮭﯿﮑﮯ ﭘﺮ ﻏﺰﻝ ﮔﺎ ﻟﻮﮞ ﺗﻮ ﺁﺗﺎ ﮨﻮﮞ
ﻣﯿﮟ ﺁﺗﺎ ﮨﻮﮞ ﮐﮧ ﻣﯿﮟ ﺑﮭﯽ ﺗﮭﮏ ﮔﯿﺎ ﯾﮧ ﭘﺎﭦ ﮐﺮﮐﺮﮐﮯ
ﮐﻮﺋﯽ ﺍﭘﻨﯽ ﺟﮕﮧ ﮐﺮﺩﺍﺭ ﺑُﻠﻮﺍ ﻟﻮﮞ ﺗﻮ ﺁﺗﺎ ﮨﻮﮞ
ﺳﻨﺎ ﮨﮯ ﺣﺸﺮﻣﯿﮟ ﺑﮭﯽ ﮐﺎﺭﺭﻭﺍﺋﯽ ﮐﺎﻏﺬﯼ ﮨﻮﮔﯽ
ﮐﺴﯽ ﺳﮯ ﻧﺎﻣﮧٔ ﺍﻋﻤﺎﻝ ﻟﮑﮭﻮﺍ ﻟﻮﮞ ﺗﻮ ﺁﺗﺎ ﮨﻮﮞ
ادریس آزاد